Sore kuwi macan entuk mangsan kidang. Macan kesusu anggone mangan mangsane, ndilalah ana balunge kidang sing nyanggrok nancep ing gorokane. Macam Gerang-gerang kelaran.
Manuk kontul ngerti kahanane
macam sing klelegen balung, banjur nyedhaki. Macan njaluk tulong. Manuk kontul
gelem nulungi waton diupahi. Macam saguh.
“Ya , cepet liya wektu dakupahi
ati kidang,” kandhane macam wis ora sabar. Kontul klakon nulungi macan, balung
sing malang ing gorokane bisa didudut. Macam lega, tanpa matur nuwun banjur
nggeblas mlebu alas.
Sawijining wektu macan entuk
mangsan kidang meneh. Kontul kabeneran ngerteni, banjur nagih janjine.
“Ee….macan aja kesusu endi atine,
eling janjimu kae!” macan mentheleng nyawang kontul, banjur wangsulan songol
lan umuk.
“Apa kowe ora ngerti? Aku iki
rajane alas. Sapa sing ngganggu aku bakal dakmangsa. Apa meneh kowe klakon
dakuntal pisan!”
Kontul lungo klepat mabur. Niyate
nglumpulake kanca-kancane ing alas kono arep diwaduli lelakone. Tenan,
kewan-kewan padha nglumpluk. Ula welang, kala jengkring, tawon, coro, semut
gemi, lan tikus. Tekade mengko yen macan sing gumedhe iku turuarep dipaeka. Saben
kewan duwe ayahe dhewe-dhewe.
Wancine awan hawane pansa macan
ngeyub ing ngisor wit trembesi. Macan keturon. Kontul aweh aba marang
kanca-kancane supaya miwiti maeka macan kanthi bebarengan. Tikus pirang-pirang
ngrikiti bokong macan. Barisan semut geni mlebu kupinge macan kiwa tengen. Coro-coro
mlebu irunge macan karo nguyuhi. Kalajengking ngentupi weteng lan udele macan
dene ula welang nyembur macan pener matane, banjur nggubet gulu, njalari macan
ora bisa ambegan.
Sanalika macan gegidro kelaran. Bokonge
pedhas, udele panas, kuping gumrebeg, irung pengar, mata dadi pedhes tambah
lara yen dilekake, lan dhadane seseg ora bisa ambegan. Sawetan nggone gegidro
macan kentekan daya, lemes banjur ambruk nglumpruk. Kontul kekablak melehake
macan sing gumedhe.
“Kaya ngono kuwi oleh-olehane
watak gumedhe. Aja kokiro aku sakanca kewan cilik iki tanpa daya. Waton aku
sakanca guyub rukun, buktine gampang ngalahake kowe, Can!”
Latihan Soal: https://www.guruberwawasan.com/2020/11/latihan-soal.html
Sumber:
1. Buku Wursita Basa kelas 5
0 Komentar